Автомашьына агәаҭараан амилициа аусзуҩцәа аилаҳәарақәа зҭаз аҭра рыԥшааит. Сергеи Грачиов игәаҭараан идырбалеит анаркотикатә маҭәашьар «мефедрон» згәылаз 10 еилаҳәарак.
Аиԥшзеиԥшу 14 еилаҳәара лыдырбалеит иара убас Лашкова Викториа.
Аҭиразы хазы-хызы еихшаны еиқәыршәаз анаркотикатә маҭәашьар згәылаз аилаҳәарақәа аԥҳәыс илшәыз амаҭәа аџьыбеи асумкеи ирҭан. Викториа Лашкова илымхыз анаркотикатә маҭәашьар «мефедрон» ауп. Иара убас амилициа аусзуҩцәа ирыԥшааит уаанӡа иҟаҵаз имаӡоу аҭыԥқәа рҿы иҟаз аҭаҵәахқәагьы.
Аҟәа араион Каман ақыҭан, Сергеи Грачиови Викториа Лашкови уаанӡа иахьыҟаз аҭыԥқәа рҿы амилициа аусзуҩцәа ирыԥшааит анаркотикатә маҭәашьар згәылаҳәаз 6 еилаҳәарак.
Сергеи Грачиови Виктоиа Лашковеи ирымхыз анаркотикатә маҭәашьар «мефедрон» азеиԥш капан 243 грамм рҟынӡа инаӡоит.
Ахара зду ауаа ҭакуп, Аԥсны Аҳәынҭқарра Ашьаустә Закәанеидкыла ахәҭаҷ 224, ахәҭа 3, апункт «в» ала ихацыркыз ашьаус аилыргара мҩаԥнагоит Аҟәа араион аҩныҵҟатәи аусқәа Русбарҭа аусеилыргаратә гәыԥ.
