Аслан Бжьаниа аилацәажәара аихшьалақәа рыла актуалра змоу асоциалтә зҵаарақәа рыӡбаразы ҷыдала анапынҵақәа ҟаиҵеит.
28.Хәажәкыр.2024
Аслан БжьаниаАҳәынҭқарра Ахада Иусбарҭа анапхгара алархәны аилацәажәара мҩаԥигеит.
Аҟәа. Хәажәкырамза 28, 2024 шықәса. Аԥсныпресс. Аиԥылараҟны ирылацәажәеит аҩныҵҟатәии адәныҟатәии аполитика, асоциал-економикатә ҿиара, ашәарҭадара алыршареи, атәыла аԥсҭазаараҟны егьырҭ ахырхарҭақәеи ирыдҳәалоу азҵаарақәа.
Ирылацәажәеит араионқәа рекономикатәи рсоциалтәи ҿиара, иара убас 2024 шықәса аҩбатәи аквартал аан аусураҿы ихадароу ахырхарҭақәа. Аҳәынҭқарра Ахада иазгәеиҭеит ахырхарҭақәа зегьы рыла аусеицура алыршара иамоу аҵакы.
