Наур Гармелиа диит  рашәарамза 15, 1991 шықәса рзы. 2016 шықәсазы далгеит Санкт-Петербургтәи Аҳәынҭқарратә акинои ателехәаԥшреи  Ринститут, «ахәмарратә кино арежиссиор» азанааҭҵара ала. (С. О. Снежкини М. Г. Бычковеи рҟазарҭа).

Наур Гармелиа – режиссиор афильмқәа «Ацҳа» («Мост») (2015 ш.), «Аишьцәа» («Братья») (2017 Ш.), «Аҵыхәтәантәти ахәԥса»(«Последняя цена») (2022 ш.).

XXII Акинематографиатә дебиутқәа Жәларбжьаратәи афестиваль «Дух огня" мҩаԥысуан Ханты-Мансиск ақалақь аҿы хәажәкырамза  23 -26 рзы. Ари ашықәс азы афестиваль атема хаданы иҟан – «Амилаҭтә кинематографиа иҷыдоу абызшәа» («Особый язык национальной кинематографии»). 2002 шықәсазы Урыстәылатәи Афедерациа жәлар рартист, акинорежиссиор Сергеи Соловиов Ханты-Мансиск ақалақь аҿы  акинематографиатә дебиутқәа жәларбжьаратәи афестиваль «Дух огня» амҩаԥгара аԥшьгаҩыс дыҟан. Иара афестиваль ирымԥсахуа апрезидентс дыҟан ԥсраҽнынӡа ԥхынҷкәынмза 13, 2021 шықәанӡа. 2022 шықәса инаркны афестиваль апрезидентс  дҟалеит акинорежиссиор Емир Кустурица.