Аҟәа. Хәажәкырамза 19, 2024 шықәса. Аԥсныпресс. Хәажәкырамза 18 рзы Урыстәылатәи Афедерациа адәныҟатәи аусқәа рминистр ихаҭыԥуаҩ Михаил Галузин Еиду Амилаҭқәа Реиҿкаара аҟынтәи Женеватәи адискуссиақәа рҿы ацхантәаҩы Џьихан Султаноглуи Евопатәи атәылақәа Реидгыла ашәарҭадара Ахеилак аделегациақәа рлахәылацәеи реиԥылара мҩаԥысит.
Аиԥылара аҿы мшаԥымзазы имҩаԥысраны иҟоу Женеватәи адискуссиақәа изаамҭанытәиу араунд амҩаԥгара аҽазыҟаҵара иадҳәалоу азҵаарақәа ирылацәажәеит.
«Урыстәылатәи аган иарбоу аиҿцәажәаратә формат аусура ихадоу хырхарҭаны Аԥсни Аахыҵ Уаԥстәылеи ршәарҭадара аиқәыршәара иадҳәалазароуп ҳәа иазгәанаҭоит», - ҳәа адырра ҟаҵоуп Урыстәылатәи Афедерациа адәныҟатәи аусқәа Рминистрра аофициалтә саит.
Кавказнҭыҵ ашәарҭадареи аҭышәынтәалареи рзы Женеватәи аиҿцәажәарақәа 60-тәи араунд амҩаԥгара азԥхьагәаҭоуп мшаԥымза 4 – 5, 2024 шықәса рзы.
