Аҟәа. Хәажәкырамза 13, 2024 шықәса. Аԥсныпресс. Изольда Ҳагба ҩаԥхьа Акультура-гәыҳалалратә Фонд «Ашана» Ахылаԥшратә Хеилак ахантәаҩыс далырхит.
Акультура-гәыҳалалратә Фонд «Ашана» Ахылаԥшратә Хеилак азы Аԥҟара инақәыршәаны, Ахылаԥшратә Хеилак алахәылацәеи ахантәаҩи рзинмчы аҽҳәара ҩы-шықәса рҟынӡа инаӡоит. Убри аан урҭ реиҭалхразы алшара ԥкӡам.
Хәажәкырамза 6 рзы онлаин режим ала алахәылацәа реиҳараҩык рыбжьқәа рыла иалххо Ахылаԥшратә Хеилак ахантәаҩы иалхрақәа мҩаԥган.
Ахылаԥшатә Хеилак алахәылацәа уажәы Ахеилак ахантәаҩыс иҟоу Изольда Ҳагба рыбжьы лырҭеит.
Акультура-гәыҳалалратә Фонд «Ашана» Ахылаԥшратә Хеилак алахәылацәа – ари ауаажәларратә авторитет змоу аусдкыларатә еилазаара ахаҭарнакцәа, аҳәынҭқарратә маҵзурақәа русзуҩцәа, еицырдыруа ауаажәларратә усзуҩцәа, ажурналистцәа, активтә уаажәларратә позициа змоу атәылауаа роуп.
Афонд «Ашана» аусура ахырхарҭа хаданы иҟоуп акциа «ҲАИДГЫЛАНЫ аԥсҭазаара еиқәархап» аҳәаақәа ирҭагӡаны Аԥсны инхо ӷәӷәала ичмазаҩу ахәыҷқәа рыхәышәтәра азы хазхаҭалатәи ауааи аиҿкаарақәеи рҟынтәи аԥаратә хархәагақәа реизгара.
