Аҟәа. Хәажәкырамза 4, 2024 шықәса. Аԥсныпресс. «Урыстәылатәи амҵәышәмпыл Афедерациа Урыстәылатәи Афедерациа ала Аԥсны ахьыԥшымра аофициалла азхаҵара аҟалара зыбзоуроу Аԥсны ԥыхьатәи Ахада Сергеи Уасил-иԥа Багаԥшь ҳаҭырла дыргәаладыршәоит.
Сергеи Уасил-иԥа Аԥсны Аҳәынҭқарреи Урыстәылатәи Афедерациеи реидгыларатә еизыҟазаашьақәа рышьақәгылараҿы илагаламҭа даара идуум. Сергеи Уасил-иԥа иара убас, жәаҳәарада илагамҭа дууп аспорт аҿиара, ахәҭакахьала Аԥсны амҵәышәмпыл аҿиара аус аҿы. Аԥсны уи иаҳаҭыр азы есышықәса имҩаԥыргоит ахәыҷқәеи аиҳабацәеи рыбжьара жәларбжьаратәи атурнирқәа.
Урыстәылатәи амҵәышәмпыл Афедерациа ас еиԥш атурнирқәа рымҩаԥгара иадгылоит, насгьы уи мҩаԥызго аиҿкаарақәа ацхыраара рыҭара иазхиоуп», – ҳәа иаҳәоит урыстәылазегьтәи ауаажәларратә еиҿкаара «Урыстәылатәи амҵәышәмпыл Афедерациа» анагӡаратә директор В. Диачок иааишьҭыз ашәҟәы аҿы.
