09-августа-2022

Ҭеимураз Хышба Урыстәыла атуризм аминистр ихаҭыԥуаҩ Елена Лысенкова дылԥылеит

Аҟәа. Нанҳәамза 5, 2022 шықәса. Аԥсныпресс. Аԥсны атуризм аминистр Ҭеимураз Хышба Урыстәыла атуризм аминистр ихаҭыԥуаҩ Елена Лысенкова дылԥылеит.

Ҭеимураз Хышбеи Елена Лысенковеи Аԥсны атуризм аҿиара аперспективақәа ирылацәажәеит.

Урыстәыла атуризм аминистр ихаҭыԥуаҩ иазгәалҭеит Аԥсны ҵҩа змам атурсттә потенциал змоу тәыланы ишыҟоу. «Аԥсны атуристтә усура амҽхак арҭбаара азы иахәҭоу алшарақәа зегьы амоуп», - ҳәа илҳәеит лара.

Аԥсны атуризм аминистр Ҭеимураз Хышбеи Елена Лысенкови атуризм аусхкы аҩганктәи аусеицура иадҳәалоу азҵаарақәа жәпакы ирылацәажәеит.

Ҭеимураз Хышба Москваҟа иусуратә ҭаара аҳәаақәа ирҭагӡаны Урыстәылатәи атуристтә форум «Путешествуй» ихы алаирхәит.


Прочитано 436 раз Последнее изменение 09.08.2022
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.