12-декабря-2022

АПАРЛАМЕНТТӘ ЕИЛАКЫ АҞНЫ «АФЫМУАМЧ АЗЫ АТАРИФҚӘА РЫШЬҬЫХРА ААНКЫЛАРАЗЫ» АЗАКӘАН АПРОЕКТ ИАЛАЦӘАЖӘЕИТ.

Аҟәа. Ԥхынҷкәынмза 12, 2022 шықәса. Аԥсныпресс. Иахьа Аԥсны Жәлар Реизара-Апарламент аҟны имҩаԥысит Аекономикатә политикеи, ареформақәеи, аинформациатә технологиқәеи рзы аилак изаамҭанытәиу аусуратә еилатәара. Уи мҩаԥигеит Аилак ахантәаҩы Резо Занҭариа.

Аилак аҟны имҩаԥысит «Афымцамч азы атарифқәа рышьҭыхра аанкыларазы» азакәан апроект алацәажәара.

Ари азакәан апроект аԥшьгаҩцәа адепутатцәа ирыдыргалоит Аԥсны Аҳәынҭқарраҟны ахархәаҩцәа ркатеогриақәа зегьы рзы 2011 шықәса хәажәкырамза 10 аҟн. «Ахәқәа рҳәынҭқарратә ҳәаақәҵаразы» Аԥсны Аҳәынҭқарра Азакәан инақәыршәаны Афымцамч азы атарифқәа рышьҭыхра аанкылара.

Иара убас ирыдыргалоит ахәԥса зшәо рзы афымцамч азы атариф афымцамч ахархәара зырҭо акатегориақәа зеиԥшразаалак, 2022 шықәса ԥхынҷкәынмза 1 азы Аԥсны Аҳәынҭқарра иахьаҵанакуа ахәԥса зшәо акатегориазы аус зуа атариф еиҳаны ҟалашьа амаӡам ҳәа ашьақәыргылара.

Азакәан адкылара аналыршаха, амч аиуеит иара анкьыԥхьха арыцхә инаркны, аусгьы аулоит 2023 шықәса ԥхынҷкәынмза 31 рҟынӡа. Абри азакәан апроект иахәаԥшны адепутатцәа азыӡба рыдыркылеит ааигәа имҩаԥысраны иҟоу Апарламент асессиа аилатәараҟны актәи аԥхьараан ирыдыркыларц азы адгалара. 

Амшхәаԥштә зҵаара инақәыршәаны, апарламенттә Еилакы алахәцәа иахәаԥшит Резо Занҭариа ирыдигалаз азакәанԥҵаратә аԥшьгарақәа жәпакы.

 

 


Прочитано 876 раз
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.