Аслан Бжьаниа инаҵшьны иҳәеит Аҳәынҭқарра Ахада иҟаиҵаз адҵақәа рынагӡара зду аусбарҭақәа русеицура аҭахны ишыҟоу.
13-декабря-2022
АҲӘЫНҬҚАРРА АХАДА АИҲАБЫРЕИ АХАДА ИУСБАРҬА АНАПХГАРЕИ АЛАРХӘНЫ АУСУРАТӘ ЕИЛАЦӘАЖӘАРА МҨАԤИГЕИТ.
Аҟәа. Ԥхынҷкәынмза 13, 2022 шықәса. Аԥсныпресс. Аҳәынҭқарра Ахада Аслан Бжьаниа Аиҳабыреи Ахада Иусбарҭа анапхгареи алархәны аусуратә еилацәажәара мҩаԥигеит
Аилацәажәараан иахәаԥшын асоциалтә-економикатә ҿиареи аинвестпрограмма анагӡареи ирыдҳәалоу азҵаарақәа. Аилацәажәара алахәцәа адырра ҟарҵеит аҳәынҭқарра Ахада изыӡбақәеи инапынҵақәеи аҭыԥаҟны рынагӡара шымҩаԥысуа азы. Иара убас иалацәажәеит ДЖӘР-еи ЛЖӘР-еи рхәыҷқәа рзы агуманитартә цхыраара аиҿкаареи ашьҭреи ирызкыз азҵаара.
