Аҟәа. Ԥхынҷкәынмза 5, 2022 шықәса. Аԥсныпресс. Иҳаҩсыз ҩы-шықәса рыла Краснодартәи атәылаҿацә аужьҭра-гәаҭаратә пунктқәа рыла Урыстәылаҟа ииагахеит 3177 партиа импортла идәықәҵоу амандарина. Иарбоу ацитрустә шәырқәа 3-тәылак рҟынтәи иаагоуп:
Ҭырқәтәылантәи иааган 2717 партиа, уи акапан азеиԥш еицҵалыҵ 59,4 нызықь тонн рҟынӡа инаӡоит;
Аԥснынтәи иаагоуп 444 партиа, уи акапан азеиԥш еицҵалыҵ 4,3 нызықь тонн рҟынӡа инаӡоит;
Египет аҟынтәи иаагоуп 16 партиа, уи акапан азеиԥш еицҵалыҵ 0,4 нызықь тонн рҟынӡа инаӡоит.
Урыстәыла ақыҭанхамҩахылаԥшра Аладатәи арегионалтә Усбарҭа апресс-маҵзура иҟанаҵо адыррақәа рыла, апартиақәа зегьы Урыстәыла ақыҭанхамҩахылаԥшра Аладатәи арегионалтә Усбарҭеи Афедералтә ҳәынҭқарратә биуџьеттә Усбараҭа «ВНИИКР» аспециалистцәеи рфитосанитартә гәаҭара иахысит, анаҩс зхы иақәиту атауратә еикәыршара азы азин аҭаны идәықәҵахеит.
