17-ноября-2022

ҬЫРҚӘТӘЫЛА ИҞОУ АҶЫДЛКААТӘ ЗИНМЧЫ ЗМОУ АԤСНЫ АХАҬАРНАК ИБРАХИМ АҨӠБА ДИУЗЏЬЕ АУНИВЕРСИТЕТ АРЕКТОР НЕДИМ ТЕЗБИР ДИԤЫЛЕИТ.

Аҟәа. Абҵарамза 15, 2022 шықәса. Аԥсныпресс. Абҵарамза 16, 2022 шықәса рзы Ҭырқәтәыла иҟоу Аԥсны Аҳәынҭқарра аҷыдалкаатә зинмчы змоу Ахаҭарнак Ибрахим Аҩӡба напхгара зиҭо аделегациа апровинциа Диузџье иҟоу Ауниверситет аректор, апрофесор, адоктор Недим Тезбир иԥылеит.

Аректор Тезбир иажәахә аҿы иазгәеиҭеит аҵараиурҭа аҿы аԥсуа бызшәеи алитературеи рҵара иарбоу арегион аҿы инхо кавказтәи ажәларқәа рхаҭарнакцәа рыбжьара еиԥш, кавказтәи аетнос иаҵанамкуагьы рыбжьара акыр аинтересс рызцәырнагоит.

Иара убас аректор ишазгәеиҭаз ала, ААУ аусжьҭымҭацәа Дзиуџье Ауниверситети аспирантуреи рҿы аҵареи азанааҭтә дырра аҩаӡара ашьҭыхреи рзы алшара роуеит.

Ҭырқәтәыла иҟоу аҷыдалкаатә зинмчы змоу Аԥсны ахаҭарнак Ибрахим Аҩӡба Диузџье иҟоу Ауниверситет Недим Тезбир аректорс иҟаҵара идиныҳәалеит, насгьы аҟазареи анаукеи рфакультет аҿы аԥсуа бызшәеи алитературеи рыклассқәа раартра аҿы иҟаиҵаз ацхыраара азы аԥсуа жәлар реилазаареи адиаспореи рыхьӡала иҭабуп ҳәа еиҳәеит.


Прочитано 873 раз
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.