11-ноября-2022

БЕСЛАН ЏЬОПУА АԤЫЗА-МИНИСТР ҞРЫМҞА ИУСУРАТӘ ҬААРА АЛҴШӘАҚӘА РТӘЫ ИЗЕИҬЕИҲӘЕИТ.

Аҟәа. Абҵарамза 11, 2022 шықәса. Аԥсныпресс. Ааигәа имҩаԥысыз Аԥсны Аҳәынҭқарреи Ҟрымтәи Ареспубликеи рыбжьара ахәаахәҭра-економикатә, анаука-техникатәи агуманитартәи аусеицура азы аҩганктәи Анапхгарабжьаратәи Акомиссиа IV аилатәара аҿы аԥснытәи аделегациа напхгара азҭоз Аԥсны аԥыза-министр актәи ихаҭыԥуаҩ, ақыҭанхамҩа аминистр Беслан Џьопуа аԥыза-министр Алеқсандр Анқәаб Симферополь имҩаԥысыз аиԥыларақәа рылҵшәақәа ртәы изеиҭеиҳәеит. Абри атәы аанацҳауеит Аԥсны аминистрцәа Реилазаара апресс-маҵзура.

Беслан Џьопуа ишазгәеиҭаз ала, аганқәа имҩаԥгахьоу аусурақәа реихшьаалақәа ҟарҵеит, иара убас ааигәатәи аперспектива азы апланқәеи шьақәдыргылеит. Урҭ рахь иаҵанакуеит адгьылбжьахабжеи Аԥсни рыбжьара аԥассаџьырцәа рымҩангара иазкны автобустә еимадара аиҿкаара, ахәаахәҭреи ақыҭанхамҩеи, иара убас акультура, аспорт, атуризм аусхкқәа рҿы аусеицура абжьаҵара.   

Аԥыза-министр актәи ихаҭыԥуаҩ Ареспублика Ҟрым ахада Сергеи Аксионови иареи реиԥылара атәы далацәажәеит.

Алеқсандр Анқәаб Беслан Џьопуа аганқәа иазԥхьагәарҭаз аусмҩаԥгатәқәа зегьы рынагӡара хаҭала ахылаԥшра аҭареи, насгьы аҩганктәи аусеицура инамаданы ицәырҵуа азҵаарақәа зегьы оперативла рыӡбара алыршареи рзы  анапынҵақәа ииҭеит. 

 

 


Прочитано 1290 раз Последнее изменение 12.11.2022
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.