03-ноября-2022

ЗВОЛЬҲАРАКУ АФЫМЦАЦӘАҲӘА «АҼГӘАРА» АҾЫ АИҬАШЬАҚӘЫРГЫЛАРАТӘ УСУРАҚӘА ИРЫЦҴАХОИТ.

Аҟәа. Абҵарамза 3, 2022 шықәса. Аԥсныпресс.  Звольҳараку афымцацәаҳәа «Аҽгәара» аҿы аиҭашьақәыргыларатә усурақәа ирыцҵоуп, ҳәа Sputnik Аԥсны ахь адырра ҟаиҵеит Ареспубликатә унитартә Наплакы «Амшынеиқәафымцамч» апресс-маӡаныҟәгаҩ Алхас Гагәылиа. 

Уи иажәақәа рыла, аиҭашьақәыргыларатә усурақәа назыгӡо абригадақәа шьыжь шаанӡа инаркны русура иацырҵеит.

Аҩаша, абҵарамза 1 азы Аԥсны аиҳарак аҿы звольҳараку афымцацәаҳәа «Аҽгәара» аҿы иҟалаз аиԥҟьарақәа ирыхҟьаны хынтә  авариатә афымца аҿыхрақәа ҟалеит.  Абҵарамза 2 аҟынӡа, аиҭашьақәыргыларатә усурақәа цонаҵы Аԥсны Урыстәылантәи афымцамч аиуон.

Ахәылбыҽха, абҵарамза 2 рзы «Амшынеиқәафымцамч» аҿы звольҳараку афымцацәаҳәа аҿы аиҭашьақәыргыларатә усурақәа хыркәшоуп ҳәа адырра ҟарҵеит.  Аха асааҭ 18:00 рзы еиҭа афымцмач авариатә ҿыхра ҟалеит.  

Фымцалашарада иаанхаз араионқәа ақәыӷәӷәара инақәыршәаны, иԥкны афымцамч ала еиқәыршәахоит.

Афымцамҩангага «Аҽгәара» аҿы жьҭаарамза, 2022 шықәса рзы ацәаҳәақәа ԥсахын. Уи иақәхарџьхеит 50 миллион мааҭ рҟынӡа. Аиҭашьақәыргыларатә усурақәа рышьҭахь иарбоу афымцацәаҳәа аужьҭратә лшара 260 мегаватт рҟынӡа инаӡоит. Аиҭашьаеқәыргыларатә усурақәа рышьҭахь иарбоу афымцацәаҳәа аужьҭратә лшара 260 мегаватт аҟынтәи 300 мегаватт рҟынӡа еизҳар ауп.


Прочитано 1224 раз
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.