АЖӘАБЖЬҚӘА

09.Жәабран.2024

117 цыра акриптовалиута арҳара иазку аппаратқәа Гәдоуҭа араион аҿы ирымырхит.

Аҟәа. Жәабранмза 9, 2024 шықәса. Аԥсныпресс. Аоператив-профилактикатә усурақәа рымҩаԥгараан Гәдуҭа араион аҿы 117 цыра акриптовалиута арҳара иазку аппаратқәа рыԥшааит, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Гәдоуҭа араион аҩныҵҟатәи аусқәа Русбарҭа аусзуҩцәа аҳәынҭқарратә шәарҭадара Амаҵзура араионтә ҟәша аусзуҩцәа рыцны имҩаԥыргаз аоперативтә усмҩаԥгатә аан Лыхны ақаҭан ирыԥшааит Џьениа Даур Виктор-иԥа итәыз амаининг-ферма. Иаҿыхны иргеит 52 цыра акриптовалиута арҳара иазку аппаратқәа.

Дәрыԥшь ақыҭан ирыԥшааит Тәанба Амиран Мераб-иԥа итәыз 20 маининг аппаратқәа.

Џьырхәа ақыҭан Бебиа Амиран Заур-иԥа итәыз 10 маининг аппаратқәа рыԥшааит.

Ԥсырцха ақыҭан азинхьчаратә усбарҭақәа русзуҩцәа ирыԥшааит иагьаҿырхит Арӡынба Альбина Гарри-иԥҳа илтәыз  35 маининг аппаратқәа. 


Read 163 times - Асабша, 10 Жәабран 2024 16:37
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.