Амца арцәара иалахәын амцарцәаратә гәыԥқәа ԥшьбеи Иҷыдоу аҭагылазаашьақәа рзы Аминистрра аиқәырхаратә гәыԥки.
30.Ажьырныҳәа.2024
Аҟәа ақалақь, Подгорнаиа амҩала игылоу ахатәыҩны амца акит.
Аҟәа. Ажьырныҳәамза 30, 2024 шықәса. Аԥсныпресс. Аҩаша, ажьырныҳәамза 30, амш аҩбатәи азыбжазы абелиетажтә хатәыҩны амца акит, ҳәа Аԥсныпресс акореспондент адырра ирҭеит Иҷыдоу Аҭагылазаашьақәа рзы Аминистрра аҷаԥшьаратә хәҭа аҿы.
«Абылра шыҟалаз азы адырра ҟалеит асааҭ 15:38 рзы. Амцарцәаҩцәа аҭыԥ ахь ианнеи аамҭазы аҩны ахыб амца амҽханакхьан. Амца аанкылара алыршахеит. Ааха аӡәгьы имоуӡеит», - ҳәа иазгәарҭеит аиқәырхаратә хылаԥшарҭа аҿы.
