Аҟәа. Ажьырныҳәамза 25, 2024 шықәса. Аԥсныпресс. Ажьырныҳәамза 24 рзы Аҟәатәи ацхыраагӡатә школ аҿы «Згәабзиара алшарақәа ԥку ахәыҷқәа қәҿиарала рсоциализациа амҩаԥысра азы аџьатә зыҟаҵара рыҭареи рааӡареи» атемала жәларбжьаратәи анаука-практикатә семинар мҩаԥысит, ҳәа адырра ҟанаҵоит Аҟәа ақалақь Ахадара аҵара Аусбарҭа.
Асеминар аалыртит Аҳҭнықалақь Ахадара аҵара Аусбарҭа аиҳабы Асҭанда Ҭаркьыл. Лара ас еиԥш иҟоу аусмҩаԥгатәқәа рымҩаԥгареи аҳәаанырцәтәи аспециалистцәа рԥышәа рымадареи иаҵоу аҵакы ахадара азгәалҭеит, асеминар иалаху зегьы хра злоу аусуреи ақәҿиарақәеи рзеиӷьалшьеит.
Ацхыраагӡатә школ адиректор Викториа Ҭаркьыл асеминал иалахәыз ашол аҿы аҵара-ааӡаратә усура шышьақәгылоу атәы рзеиҭалҳәеит.
Асеминар рхы аладырхәит аҭыԥантәи аспециалистцәа реиԥш Урыстәылатәи Афедерациа (Ақалақьқәа Москва, Киров, Кировтәи аобласти Краснодартәи атәылаҿацәи) Аахыҵ Уаԥстәыла рҟынтәи аҵарадырратә усбарҭақәа рхаҭарнакцәагьы.
Иарбоу аусмҩаԥгатә згәабзиара алшарақәа ԥку ахәыҷқәа қәҿиарала рсоциализациа амҩаԥысра азы аџьатә зыҟаҵара рыҭареи рааӡареи иазку аусура аԥышәа аимдареи иҟоу аперспективақәа рылацәажәареи иазырхоуп.
