Убас, аџьшьаратә шәҟәқәеи агәаларшәагатә ҳамҭақәеи ранашьахеит:

- амилициа аполковник Беслан Ҷкадуа,

- амилициа аполковник Рашь Ҵәыџьба,

- амилициа аполковник Асҭамыр Ҳагәышь,  

- амилициа аподполковник Дадын Чачхалиа, 

- амилициа аподполковник Дмитри Хаџьиев. 

Аҩныҵҟатәи аусқәа рминистр Роберт Киут Дмитри Дбар иҭабуп ҳәа еиҳәеит аҩныҵҟатәи аусқәа Рминистрра аусзуҩцәа  рыпрофессионалтә усура ахәшьара ҳаракы ахьаиҭаз азы. Иара ҩ-структурак рыбжьара қәҿиарала аусеицура атенденциа цәырҵуа ишалагаз азгәаҭо анаҩсгьы аусеицура хра злоу аҿиара шаиуо азы агәыӷра ааиԥшит.

Дмитри Дбар, Аҳәынҭқарратә Хьчара Амаҵзуреи аҩныҵҟатәи аусқәа Рминистрреи аусмҩаԥгатәқәа реицынагӡараан Аминистрра анапхгаратә еилазаара есымша ахыдҵақәа иҳараку аҩаӡараҿы инанагӡон ҳәа инаҵшьны иазгәеиҭеит.