Аҟәа. Ажьырныҳәамза 8, 2024 шықәса. Аԥсныпресс. Аибашьра иадҳәалоу 11 категориа ирыҵақакуа атәынчаҩцәа ажьырныҳәамза 2024 шықәса инаркны иназыцҵоу атәынчахәы роулоит. Абри азы адырра Аԥсныпресс ахь иҟаиҵеит Аԥсны Атәанчаратә Фонд ахантәыҩы Денис Гәылариа.
Иааизакны иҳараку атәанчахәқәа зауа рзеиԥш хыԥхьаӡара– 5 174 - ҩык рҟынӡа инаӡоит.
Атәынчахәқәа рыцҵара азы мызказы инацҵаны иаҭаххоит 45 млн. мааҭ, шықәсык азы - 550 млн. мааҭ инарзынаԥшуа.
2 000 мааҭ рыла ртәынчахәқәа шьҭыххоит абарҭ акатегориақәа ирыҵанакуа атәанчаҩцәа:
Аперсоналтә тәанчахәы зауа атәанчаҩцәа – 73-ҩык, урҭ ртәанчахәы ахышәа-ҵышәа – 12 000 мааҭ рҟынӡа инаӡалоит;
Аперсоналтә тәанчахәы зауаз, зыԥсҭазаара иалҵыз атәанчахәы иҭаацәа – 31 - ҩык, урҭ ироуло атәанчахәы ахышәа-ҵышәа – 12 000 мааҭ рҟынӡа инаӡалоит;
1992-1993 шш. Аԥсны жәлар Рџьынџьтәылатәи еибашьра I агәыԥ иаҵанакуа аинвалидцәа – 310 -ҩык, урҭ ироуло атәанчахәы ахышәа-ҵышәа – 12 000 мааҭ рҟынӡа инаӡалоит;
1992-1993 шш. Аԥсны жәлар Рџьынџьтәылатәи еибашьра II агәыԥ иаҵанакуа аинвалидцәа – 2316-ҩык, урҭ ироуло атәанчахәы ахышәа-ҵышәа – 9 500 мааҭ рҟынӡа инаӡалоит;
1992-1993 шш. Аԥсны жәлар Рџьынџьтәылатәи еибашьра III агәыԥ иаҵанакуа аинвалидцәа – 95-ҩык, урҭ ироуло атәанчахәы ахышәа-ҵышәа – 8 500 мааҭ рҟынӡа инаӡалоит;
1992-1993 шш. Аԥсны жәлар Рџьынџьтәылатәи еибашьра аҿы иҭахаз рҭаацәа, I агәыԥ иаҵанакуа – 25-ҩык, урҭ ироуло атәанчахәы ахышәа-ҵышәа – 12 000 мааҭ рҟынӡа инаӡалоит;
Зыԥсҭазаара иалҵхьоу 1992-1993 шш. Аԥсны жәлар Рџьынџьтәылатәи еибашьра аинвалидцәа рҭаацәа, II агәыԥ иаҵанакуа – 51-ҩык, урҭ ироуло атәанчахәы ахышәа-ҵышәа – 9 500 мааҭ рҟынӡа инаӡалоит;
Зыԥсҭазаара иалҵхьоу 1992-1993 шш. Аԥсны жәлар Рџьынџьтәылатәи еибашьра аинвалидцәа рҭаацәа, III агәыԥ иаҵанакуа – ҩыџьа, урҭ ироуло атәанчахәы ахышәа-ҵышәа – 8 500 мааҭ рҟынӡа инаӡалоит;
Зыԥсҭазаара иалҵхьоу 1992-1993 шш. Аԥсны жәлар Рџьынџьтәылатәи еибашьра аинвалидцәа рҭаацәа – 670-ҩык, урҭ ироуло атәанчахәы ахышәа-ҵышәа – 7500 мааҭ рҟынӡа инаӡалоит;
Аԥсны Арбџьармчқәа иҭахаз арезервистцәа рҭаацәа – 235-ҩык, урҭ ироуло атәанчахәы ахышәа-ҵышәа – 7 500 мааҭ рҟынӡа инаӡалоит;
I агәыԥ иаҵанакуа Аԥсны Арбџьармчқәа инвалидцәа-арезервистцәа – 11-ҩык, урҭ ироуло атәанчахәы ахышәа-ҵышәа –12 000 мааҭ рҟынӡа инаӡалоит;
II агәыԥ иаҵанакуа Аԥсны Арбџьармчқәа инвалидцәа-арезервистцәа – 84-ҩык, урҭ ироуло атәанчахәы ахышәа-ҵышәа – 9 500 мааҭ рҟынӡа инаӡалоит;
Зыԥсҭазаара иалҵыз Аԥсны Арбџьармчқәа инвалидцәа-арезервистцәа рҭаацәа – 5-ҩык, урҭ ироуло атәанчахәы ахышәа-ҵышәа – 7 500 мааҭ рҟынӡа инаӡалоит;
1992-1993 шш. Аԥсны жәлар Рџьынџьтәылатәи еибашьра аҿы иҭахаз рҭаацәа (аусуралшара змам аҭаацәа иреиуоу) – 1154 - ҩык, урҭ ироуло атәанчахәы ахышәа-ҵышәа – 7 500 мааҭ рҟынӡа инаӡалоит.
Хырԥашьа змам арратә маҵзура аинвалидцәа ртәанчахәқәа ацҵоуп:
I агәыԥ иаҵанакуа – 10-ҩык, иацҵахеит 3 400 мааҭ, ацҵара ҳасаб азуны иааизакны атәанчахәы ахышәа-ҵышәа – 8 400 мааҭ рҟынӡа инаӡалоит;
II агәыԥ иаҵанакуа – 35-ҩык, иацҵахеит 2 900 мааҭ, рублей, ацҵара ҳасаб азуны иааизакны атәанчахәы ахышәа-ҵышәа – 6 650 мааҭ рҟынӡа инаӡалоит;
III агәыԥ иаҵанакуа – ҩыџьа, иацҵахеит 2 700 мааҭ, ацҵара ҳасаб азуны иааизакны атәанчахәы ахышәа-ҵышәа – 5 950 мааҭ рҟынӡа инаӡалоит.
Иҭахаз хырԥашьа змам арратә маҵзура аруаа рҭаацәа – 65-ҩык, урҭ ироуа атәанчахәы 2 500 мааҭ рыла иазҳаит, ацҵара ҳасаб азуны иааизакны атәанчахәы ахышәа-ҵышәа – 5 250 мааҭ рҟынӡа инаӡоалоит.
