«Сынтәа иҳаҩсыз ашықәс иаҿырԥшны уахәаԥшуазар,  иҳауит ҩынтә еиҳаны азыҳәамҭақәа, уи жәаҳәарада ҳаигәырӷьоит: уи иарбоу апрограмма аинтерес аҵоуп, азҿлымҳарагьы амоуп ҳәа ауп иаанаго.   Аиҳарак азыҳәамҭақәа ашколтә программа иалоу арҿиамҭақәа рыла ишьақәгылоуп, уи «ахьтәы», «араӡнытә» ашәышықәса ҳәа изышьҭоу ахаҭарнакцәа роуп, иара убас ҳаамҭазтәи алитература арҿиамҭақәа. Иахьа Москва Анапхгара абзоурала ҳара ҳамҭас ираҳҭоит  1000 екземплиар инарзынаԥшуа ашәҟәқәа», - ҳәа илҳәеит  «Москва Аҩны аусмҩаԥгатәқәа рымҩаԥгара аҟәша аиҳабы Мариа Соиа.

Аусмҩаԥгатә рхы аладырхәит Даур Бигәаа ихьӡ зху Гәылрыԥшьтәи абжьаратәи ашколи Гали Очамчыреи рраионтә библиотеақәеи рхаҭанакцәа.

Дара Москва Анапхгареи «Москва Аҩны» анапхгареи рҟынтәи ҳамҭас ироуз алитература азы иҭабуп рҳәеит. Урҭ анаҩстәи аусеицуразы агәыӷра аадырԥшит.

«Ҳара ҳзы ари зынӡа ҳаззыԥшымыз, аха убри аан даарӡа ишьаху Ашықс ҿыц аламҭалазтәи хҭысны иҟалеит! Ашәҟәқәа рыхкырацәара, рхаҭабзиара, улаԥш хызхуа аиулистрациақәа – зегьы шьахуп, ҳара ҳгәырӷьара ҳәаа амаӡам! Ҳаԥхьаҩцәа гәахәара дула урҭ рыдыркылоит.  «Москва Аҩни» Очамчыра араион анапхгараҭареи иҳарҭо адгылареи ацхыраареи рзы иҭабуп ҳәа ҳҳәар ҳҭахуп», - ҳәа илҳәеит Очамчыратәи абиблиотека Хада  адиректор Асҭанда Сабекьиа.