Иарбоу аоперативтә еизгарақәа рахь иадыԥхьалан ашәарҭадара Ахеилак, амчратә структурақәа рхаҭарнакцәа, атәылахьчареи амилаҭтә шәарҭадареи рзы апарламенттә Еилакы алахәылацәа, атәылахьчара Аминистрреи Арбџьармчқәа рыштаб Хадеи роперативтә еилазаара, иара убас Урыстәылатәи Афедерациа Арбџьармчқәа Адгьылмҩатә ар акомандаҟаҵара Хада ахаҭарнакцәа.
Аусмҩаԥгатә ахықәкы хаданы иҟоуп – амобилизациатә зыҟаҵара азҵаарақәа аус рыдулара, анапхгаратә еилазаара, архәҭақәеи арратә ҟәшеиҵақәеи ркомандаҟаҵаҩцәа ҳаамҭазтәи еиԥш, иҟалар зылшо бџьаршьҭыхлатәи аиҿагыларақәа раан арратә хыдҵақәа рынагӡаразы рзанааҭтә зыҟаҵара аҩаӡара ашьҭыхра.
