Алхас Кәыҵниа хаҭала аректор Станислав Прокофиев аԥхьа днаргыланы Ауниверситет апрофессор-рҵаҩратә еилазаара зегьы ҳтәыла зда ихәарҭам апрофессионалтә кадрқәа разыҟаҵара аганахьала иҟарҵо адгылара азы иҭабуп ҳәа иҳәеит.
22.Ԥхынҷкәын.2023
Алхас Кәыҵниа Афинанстә Университет аректор Станислав Прокофиев диԥылеит.
Аҟәа. Ԥхынҷкәынмза 22, 2023 шықәса. Аԥсныпресс. Урыстәыла иҟоу Аԥсны ацҳаражәҳәаҩ Алхас Кәыҵниа Урыстәылатәи Афедерациа Анапхгара аҟны иҟоу Афинанстә Университет аректор Станислав Прокофиев диԥылеит.
Аиԥылараҿы ирылацәажәеит Аԥснытәи астудентцәа Афинанстә Университет аҿы рҵара, иара убас Урыстәылатәи Афедерациа Анапхгара аҟны иҟоу Афинанстә Университети Аԥснытәи аҳәынҭқарратә Университети рыбжьара аҩганктәи аусеицура аперспективақәеи ирыдҳәалоу азҵаарақәа жәпакы ирылацәажәеит.
Станислав Прокофиев Ауниверситет аусуреи аспециалист ҿарацәа разыҟаҵареи ртәы еиҭеиҳәеит.
