Аҳәынҭқарра Ахада даҽазныкгьы ишьақәирӷәӷәеит атәылауаа ргәы иҵхо азҵаарақәа рылацәажәареи иаарту аиҿцәажәара амҩаԥгареи дышрызхиоу.
14.Ԥхынҷкәын.2023
Имҩаԥысит Аҧсны Аҳәынҭқарра Ахадеи Аԥсны Аџьынџьтәылатә еибашьра аветеранцәа рреспубликатә уаажәларратә еиҿкаара «Аруаа» ахантәаҩы Ҭемыр Гәлиеи реиԥылара.
Аҟәа. Ԥхынҷкәынмза 14, 2023 шықәса. Аԥсныпресс. Иахьа имҩаԥысит Аԥсны Аҳәынҭқарра Ахада Аслан Бжьаниеи Ахада Иусбарҭа Анапхгаҩы Абесалом Кәарҷиеи Аԥсны Аџьынџьтәылатә еибашьра аветеранцәа рреспубликатә уаажәларратә еиҿкаара «Аруаа» ахантәаҩы Ҭемыр Гәлиеи реиԥылара.
Аиԥылараҟны ирылацәажәан аҳәынҭқарреи ауаажәларреи рыԥсҭазаара иадҳәалоу актуалра злоу азҵаарақәа, урҭ рхыԥхьаӡараҿы иҟан ааигәа Апарламент иаднакылаз, аҧсуа милаҭ иаҵанакуа ажәлақәа реиҭашьақәыргылара ҳәаақәызҵо азакәанқәа.
