Аҟәа. Абҵарамза 16, 2023 шықәса. Аԥсныпресс. Агәабзиарахьчара Аминистрра ашьха иаԥну Ԥсҳәы ақыҭантәи ауааԥсыра ахәшәқәа рзоурыжьит.
Аҟәа араион Ԥсҳәы ақыҭа аҿы цәыббрамзазы мҽхакы ҭбаала имҩаԥгаз адиспансеризациа аихшьаалақәа рыла, ақыҭаҿы инхо ачымазцәа рыхәышәтәразы ихымԥадатәиу ахәшәқәа рсиа шьақәыргылан.
Агәабзиарахьчара аминистр Едуард Быҭәба Идҵа инақәыршәаны, аминистрра изыхәҭоу зегьы хәшәыла реиқәыршәара азы ахәшәқәа раахәара еиҿнакааит.
Ахәшәқәа рсиа иалалеит: авитаминтә комплексқәа, аепилепсиаҿагыларатәи аллергиа хызҽуа аппаратқәа, ахьаартәагақәа, антибиотиқәа, антисептикқәа, ашоурартәагақәа.
Зынӡа иаахәаз ахәшәқа ирақәхарџьхеит 230 нызықь мааҭ инареиҳаны.
Иара убас атәыла агәабзиарахьчара Аминистрра Ԥсҳәы ақыҭаҿы инхо аԥҳәыс аоперациа аҟаҵаразы Урыстәылатәи Афедерациаҟа лдәықәҵара алнаршеит. Адиспансеризациа амҩаԥгараан аҳақьымцәа ари аԥҳәыс апатологиа лыдырбалеит – уи лыгәчамауаҭәатә аҟәартәра адеформациа шамаз гәарҭеит. Апациентка аендопротезҟаҵара аганахьала дԥырҟеит, уи қәҿиарала имҩаԥысит.
