Аҟәа. Абҵарамза 6, 2023 шықәса. Аԥсныпресс. Аҳәынҭқарра Ахада Аслан Бжьаниа Аԥснытәи аҳәынҭқарратә телерадиоеилахәыра аусзуҩцәа «Ареспублика Аԥсны Зҽаԥсазтәыз акультура аусзуҩ» ҳәа аҳаҭыртә хьӡы ранашьаразы Аусԥҟа инапы аҵаиҩит.
Аусԥҟа атекст аҟны ахәҭакахьала иазгәаҭоуп:
«Шықәсырацәа лҵшәабзиала аусуреи аԥсуа телехәаԥшра аҿиара аҿы лрагалеи рзы, «Ареспублика Аԥсны Зҽаԥсазтәыз акультура аусзуҩ» ҳәа аҳыҭыртә хьӡы ранашьазааит Аԥснытәи аҳәынҭқарратә телерадиоеилахәыра аусзуҩцәа:
Аҩӡба Давид Заур-иԥа;
Аҳәба Шьаризан Гьаргь-иԥҳа;
Бигәаа Владислав Аликсандр-иԥа;
Голанӡиа Медеиа Владимир-иԥҳа;
Дамиров Ельдар Салман-иԥа;
Џьопуа Фариде Родик-иԥҳа;
Квираа Ада Аԥҭа-иԥҳа;
Табаӷуа Оксана Ҭамаз-иԥҳа;
Харцызов Русҭам Илиас-иԥа».
Аусԥҟа анапаҵыҩра мҩаԥган абҵарамза 3, 2023 шықәса рзы.
