Аҟәа. Цәыббрамза 15, 2023 шықәса. Аԥсныпресс. Атәыла аҩныҵҟатәи аусқәа Рминистрра аҳәынҭқарратә автоинспекциа амҩатә шәарҭадара аиқәыршәара иазкны акомплекстә реидтә профилактикатә усмҩаԥгатәқәа мҩаԥнагоит. Абри атәы аанацҳауеит аҩныҵҟатәи аусқәа Рминистрра апресс-маҵзура.
Ареидтә усмҩаԥгатә аҩныҵҟатәи аусқәа рминистр Роберт Киути уи ихаҭыԥуаҩ Беслан Ҷкадууеи рхылаԥшрала имҩаԥысуеит.
Имҩаԥгаз акомплекстә реидтә профилактикатә усмҩаԥгатәқәа ирылҵшәаны, ижәны амашьына аԥсҟы зкыз 10-ҩык амашьынарныҟәцаҩцәа аарԥшхеит. Урҭ зегьы агәаҭара ианахыс ашьҭахь, 6 мыз рҟынӡа автотранспорт аныҟәцара азы азин рымхын. Зынӡа иаарԥшхеит 232 административтә зинеилагара.
