Аслан Бжьаниа Урыстәыла Анапхгареи хаҭала Дмитри Анатоли-иԥа Медведеви усҟан ирыдыркылаз аԥеиԥш иадҳәалоу аӡбамҭа азы иҭабуп ҳәа иҳәеит.

«Шәара ҳреспублика ахьыԥшымра азхаҵарала аԥсуа ҳәынҭқарра ашьақәгылараҿы шәлагала ду алашәҵеит. Убасала Аԥсны ишьақәгылеит аҭычреи аҭышәынтәалареи. Шәара ибзиаӡаны ижәдыруеит 1993- 2008 шш. Гал араион аҿы атерактқәа ирыхҟьаны  шәнызықьҩыла шҭахаз, аха шьҭа аҳәаа рӷәӷәоуп уи аҩыза уаҳа иҟалаӡом. Ҳара аизҳазыӷьара иазкны аусуразы  реалла алшара ҳауит, даараӡа ирацәаны ахәыҷбаҳчақәеи ашколқәеи атеатрқәеи реиҭашьақәыргылара алыршоуп, уи зегьы Урыстәылатәи Афедерациа аганахьала иҟаҵаз ацхыраареи адгылареи ирыбзоурахеит. Аԥсны жәлар уи ахаангьы ирхашҭраны иҟаӡам, изабан акәзар аҭынчра еиҳау акагьы аҟыӡам», - ҳәа иҳәеит Аҳәынҭқарра Ахада.  

«Ахьыԥшымреи ахақәиҭреи рзы акыраамҭа амилаҭ-хақәиҭратә қәԥара мҩаԥысуан. Ари амҩа шьалеи ԥхӡашалеи ианысит ҳажәлар. Аҵыхәтәаны, Урыстәылатәи Афедерациа иабзоураны аиашара шьақәгылеит. Сара адырра шәысҭар сҭахуп, уаанӡа ихацыркыз аҩганктәи апроектқәа зегьы ишрыцҵахо, ҳара иҳабжьоу аидгыларатә еизыҟазаашьақәа аринахасгьы аҿиара шроуа», - ҳәа инаҵшьны иазгәеиҭеит иара. Убри аан уи, Аԥсны есымша иаҭаххоны иҟалозар, Урыстәыла иқәынхо ажәларқәа зегьи аиашьаратә Аахыҵ Уаԥстәыла ажәлари рывагылареи адгылара рыҭареи ишазхиоу азгәеиҭеит.  

Аслан Бжьаниа иара убас иахьатәи амшхәаԥштә зҵаарақәа хара имгакәа рыӡбара шалыршахо, аҩ-тәылак рыжәларқәа реиҩызара еиҳагьы ишыӷәӷәахо азы агәыӷра шимоу ааирԥшит.