Ахәаԥшцәа ирбаз иззыԥшыз иамеижьеит.  Атеатр актиорцәа русумҭа ҿыц жәаҳәарада акыр ацәыныррақәеи адискуссиақәеи цәырнагараны иҟоуп, избан акәзар, актиорцәа асценаҿы иҵабыргны иаадырԥшуа рфырхацәа рцәаныррақәа иааџьаушьаратәы иахьа ҳара ҳаԥсҭазаара иақәшәоит, уи уамакала иазааигәоуп.  Адунеи, амзар аҿы иарбоу иарбан аамҭазаалакгьы, ииасхьоу аамҭазы еиԥш уажәгьы азныказы имариоу аихьӡарақәеи агәҭакқәа рынагӡара лалыршаразы агәра унаргоит, ухнаԥаауеит, ухнахуеит, аха нас, ирыцҳашьарадоу арымарыдарала агәацәцара атымеитыша уҭанажьуеит.  Ажәакала иуҳәозар, ахықәкы анагӡара  асахьашьареи алабҿабареи, - абри ауп изызку ароман «Роман с какаином», абри ауп изызку – уи еихьӡылоу аспектакль.

Аԥхьарбара авторцәа, аидеиа автор – атеатр адиректор хада Иракли Хьынҭәба  уахь дналаҵаны, аматериал рхатәы знеишьа, рхатәы гәаанагара, рхатәы еилкаара рымоуп. Уи ҳара ҳгәаанагара иахьанӡақәшәо атәы ахәаԥшцәа иаҳзеиҭарҳәап.

Апресс-рбара аламҭалазы арежиссиор Роман Кочержевски ишазгәеиҭаз ала, иара даара изыманшәалан аԥснытәи иколлегацәа аус рыцура. Уи актиорцәа разыҟаҵареи иҳараку рзанааҭтә ҩаӡареи рнаҩс, акомманда аҿы аусуразы рылшара аԥхьанатә иазгәеиҭеит.

«Актиорцәа даара исыцхраауан, ҳара еицаԥаҳҵон асценақәа. Аусура иазыԥҵәаз аамҭа шмаҷызгьы, зегьы ргәа ацԥыҳәаны аус руан, еицхыраауан, уи аиашазы даара насыԥ дууп», -ҳәа иҳәеит иара.

Аспектакль аҿы раԥхьаӡа акәны ахархәара аиуит атехнологиа ҿыцқа, уи моу амаруга ҿыцқәагьы аахәан. Ҳамаӡақәа зегьы макьаназы иааҳартӡом. Аԥхьарбара агәырԥсаҳәара шәзаанагааит.

Иулиа Соловиова, агазеҭ «Республика Абхазия».