Саид Ӡиаԥшь-иԥа иҟаиҵаз адыррақәа рыла, ақыҭа аиҳарак алашареи аӡи рымаӡам. Ҭеимураз Хышба аԥсабаратә рацҳара ахҟьа-ԥҟьақәа рықәгаразы активла аусурақәа мҩаԥысуеит, ауааԥсырагьы излауа ала ацхыраара роуеит ҳәа иазгәеиҭеит.
13.Ԥхынгәы.2023
Ҭеимураз Хышба Гагра араион Ԥсахара ақыҭа даҭааит.
Аҟәа. Ԥхынгәымза 13, 2023 шықәса. Аԥсныпресс. Аԥсны атуризм аминистр Ҭеимураз Хышба Гагра араион Ԥсахара ақыҭа даҭааит. Уи диԥылеит ақыҭа ахада Саид Ӡиаԥшь-иԥа.
Саид Ӡиаԥшь-иԥа аминистр изеиҭеиҳәеит ааигәа, ԥхынгәымза 9 рзы иҟалаз аԥсабаратә рыцҳара аан ақыҭа акыр ааха шаиуз.
Иара иҟаиҵаз адыррақәа рыла, ақыҭаҿы ирацәаны аҩнқәа ааха роуит, жәабала амашьынақәа ӡааҟәрылеит, ацҳа агеит, аӡхагалагақәа аӡы рыҵалеит, иара убас ҩ-обиект аӡы ихнарбгалеит.
