«Ҳколлегацәа ҳареи ҳабжьара жәларбжьаратәи аимадара арӷәӷәара Аԥсны ауаҩы изинқәа рыхьчаразы Азинмчы змоу иусура ихадоу ахырхарҭақәа иреиуоуп. Ҳтәылауаа зегьы раасҭа изҭаауа тәыланы иҟоуп Урыстәыла, убасҵәҟьа Аԥсны иаҭаауа атуристцәа рӷьырак  – Урстәыла атәылауаа роуп. Акультуратә, аекономикатә, асоциалтә, уҳәа ҳтәылеи Урыстәылатәи Афедерациеи аԥсҭазаарашьақәгыларатә аспектқәа даараӡа еимадоуп», - ҳәа иазгәаҭоуп апресс-маҵзура иҟанаҵо адырраҭара аҿы.

Иара убас Аԥсны Аҳәынҭқарреи Урыстәылатәи Афедерациеи ромбудсменцәа русеицура аҳәаақәа рырҭбаара Аԥсни Урыстәылеи рыбжьара аимабзиаратә еизыҟазаашьақәа рыҿиара иацхраауа ҭагылазаашьаны ишыҟоу  азгәаҭоуп.