«Аӡы иаалырҟьаны иааит. Уи иаҳа-иаҳа аҩаӡара иацлон. Даара ушәаратәы иҟан уи. Акгьы аанымхеит, акәытқәа, арахә, зегьы аӡы иагеит. Сара схаҭа иаразнак ахәыҷқәа иахьшәарҭамыз аҭыԥ ахь идәықәҵаны маҟҿаҳәара аӡы сӡаагыланы исылшоз ала амаҭәа-аҩыҭәа аиқәырхара сҽазысшәеит. Аха уеизгьы уи зегьы ԥхасҭахеит, зегьы ыршәтәуп. Анцәа иџьшьаны ма ҳаԥсқәа еиқәхеит»,- ҳәа еиҭалҳәеит лара.

Аслан Бжьаниа  ас еиԥш аҭагылазаашьа уадаҩ аан аҳәынҭқарра иалшо зегьы шыҟанаҵо, араионқәеи ашәарҭадареи шеиҭашьақәыргылахо раҳәаны зегьы ргәы ирҭынчит. Аҳәынҭқарра Ахада иара убас аихамҩа даҭааны уи аҭагылазаашьа гәеиҭеит. Уажәы араҟа ақәыршҩы бааԥсқәа  ахҟьа-ԥҟьақәа рықәгаразы активла аиҭашьақәыргыларатә усурақәа мҩаԥысуеит.