Апроект аҳәаақәа ирҭагӡаны Еидгылоу амилаҭқәа Реиҿкаара-Аҳәса реиҿкаареи Еидгылоу амилаҭқәа Реиҿкаара иатәу Афатәи ақыҭанхамҩатә аалыҵи рзы аиҿкаареи рыпроекттә офис аспециалистцәа аҳәса-афермерцәа атехникатә цхыраара рырҭеит, иара убас урҭ ақыҭанхамҩа амҩаԥгареи ашәқәа рыҟаҵареи ахшхарҵә аалыҵ ахаҭабзиара аиӷьтәреи рзы иҿыцу аметодқәа ддырҵеит.   

Апроект алахәылацәа руаӡәы Наталиа Шевцовеи адәқьан «Аҵыбра» аԥшәмеи адәқьан шәыла аиқәыршәаразы аиқәшаҳаҭра рыбжьарҵеит.

Агьамабара ахь иааз асасцәа зегьы ирыдгалаз ашәқәа рыхкқәа гәахәарыла ргьама гәарҭон, афермерцәа ирыҿцәажәон. Урҭ ракәзар, русура ҷыдарақәас иаҵоу атәы еиҭарҳәон. Ҳаԥхьаҟа аҭыԥантәи ашәқәа аахәара алыршахоит афермертә аалыҵ адәқьан «Аҵыбра» аҿы.

Еидгылоу амилаҭқәа Реиҿкаара-Аҳәса реиҿкаареи Еидгылоу амилаҭқәа Реиҿкаара иатәу Афатәи ақыҭанхамҩатә аалыҵи рзы аиҿкаареи рыпроекттә офиси аҿиареи аусеицуреи рзы Швеицариатәи Агентреи аҳәса-афермерцәа аҩнытәи ахшхарҵә аалыҵ аҭыжьреи урҭ рекономикатә лшарақәа рырҭбаареи рзы адгылареи ацхыраареи рыҭара иазырхоу аусмҩаԥгатәқәа рцикл иацнаҵоит.