«Ари азҵаара уажәаԥхьагьы, ахәҭакахьала 2010 шықәсазы иқәдыргылахьан.  2021 шықәса инаркны ҳара азҵаара аӡбара ҳаҿуп. Ԥыхьатәи ақырҭуа школ ахыбра ыҟоуп. 6 шықәса раԥхьа ари ахыбра аусдкылаҩцәа қьырала ирыҭан. Уажәы ҳара ақьыратә еиқәшаҳаҭра азинмчы аанаҳкылеит. Ашкол аҳабла Ахадара абаланс аҿы иқәгылоуп. Ашкол ахыбра хыб ҿыц ақәырҵеит дара аусдкылаҩцәа. Ашықәс хыркәшахаанӡа аԥенџьыр ҿыцқәа аҿаҳҵоит. Араион абиуџьет аҟынтәи ашкол азы сынтәа иазоужьхоит 15 млн. мааҭ»,- ҳәа иҳәеит  Иури Ҳагәышь.  

Апроект-харџьынҵатә документациа цәыббрамзазы ирхиахоит.

Ашкол 500-ҩык рҟынӡа аҵаҩцәа рыдкылара алшоит.

Иахьатәи амш азы аҳаблаҿы аҵара зҵо рхыԥхьаӡара 179-ҩык ахәыҷқәа, урҭ рахьынтә  79 –ҩык аурыс  сектор аҿы аҵара рҵоит, 100 – ҩык  – аԥсуа сектор аҿы.