Аҟәа. Рашәарамза 14, 2023 шықәса. Аԥсныпресс. Аԥсны адәныҟатәи аусқәа рминистр Инал Арӡынба ааигәа аформат нагӡаны аусура иалагараны иҟоу Санкт-Петербург иҟоу Ҳаҭыр зқәу Аԥсны Аконсулра аофис даҭааит.
Аԥсны адәныҟатәи аусқәа Рминистрра Амедиацентр иҟанаҵо адыррақәа рыла, иарбоу аофис Санкт-Петербург ақалақь аҿы зегьы реиҳа иҳараку ахыбра «Лидер Тауэр» 40 аихагыла аҿы иҟоуп.
Санкт-Петербург ақалақь аҿы инхоит хыԥхьаӡара рацәала аԥснытәи аџьынџьуаа, лассы-лассы имҩаԥысуеит идуу жәларбжьаратәи аусмҩаԥгатәқәеи афорумқәеи, иҟоуп жәларбжьаратәи аиҿкаарақәа рофисқәа.
Аофис Аԥсны еиуеиԥшым жәларбжьаратәи аусмҩаԥгатәқәа рылахәхара активизациа азура иазкуп.
Аофис аусура алагара аиҿкаара Урыстәылатәи Афедерациа адәныҟатәи аусқәа Рминистрра алархәны имҩаԥысуеит.
Аофис аартра абиуџьетнҭыҵтәи ахархәагақәа рыла имҩаԥгахоит.
