«Амҩа ахәҭак аныҟәаразы иаркуп, аха автомашьына ласқәа аурыжьҭуеит. Уажәы араҟа аус руеит иахәҭоу амаҵзурақәа зегьы, аамҭа кьаҿ иалагӡаны амҩа ҩаԥхьа иаатуеит», – ҳәа иҳәеит Давид Бганба.
14.Рашәара.2023
Гагра иҟалаз ақәыршҩы иахҟьаны ареспубликатә трасса ахәҭаки ахатәы ҩнқәеи асасааирҭаки ааха роуит.
Аҟәа. Рашәарамза 14, 2023 шықәса. Аԥсныпресс. Иахьа ашьыжь шаанӡа Гагра ақалақь аҿы илеиз ақәыршҩы иахҟьаны ареспубликатә трасса ахәҭаки ахатәы ҩнқәеи асасааирҭаки ааха роуит.
«Иахьа, рашәарамза 14 рзы, ашьыжь шаанӡа, асааҭ 5 инарзынаԥшуа Гагра ақәыршыҩ ӷәӷәаны иауит. Уи иахҟьны ареспубликатә трасса ахәҭаки ахатәы ҩнқәеи асасааирҭаки ааха роуит», – ҳәа Аԥсныпресс акорреспондент диҿцәажәо адырра ҟаиҵеит Гагра араион ала Иҷыдоу аҭагылазаашьақәа Рминистрра иатәу амцарцәара-еиқәырхаратә отриад аиҳабы Давид Бганба.
Ареспубликатә трасса ахәҭак илеиз ақәыршҩи аӡыҳәынҵәатә ҩарӡқәеи ирыхҟьаны аамҭала иаркхеит.
