Ажәлар ракзаареи реидгылареи Урыстәылатәи Афедерациа анапхгара хра злоу ихадоу аԥшьгарақәа зегьы рынагӡареи атәыла аҩныҵҟатәи адәныҟатәи аполитика амҩагареи алдыршоит, иара убас Урыстәылатәи Афедерациа иахьа анеонацизм алаҵәара адгылара ду азҭо аколлективтә Мраҭашәара иаҿагыланы Украина инанагӡо арратә операциа ҷыда аҿы акыр ацхыраара анаҭоит.
Урыстәыла аиашьаратә жәлар ари хадара злоу аныҳәа иацу агәырӷьара рыцеиҩшо, дырҩегьых иазгәасҭарц сҭахуп ҳажәларқәа ирыбжьоу аиҩызаратәии аидгыларатәи аизыҟазаашьақәа рырӷәӷәара Аԥсны Анапхгара ихадоу ахықәкқәа ишреиуоу. Ҳара аринахысгьы арҭ аимабзиаратә еизыҟазаашьақәа ганрацәалатәи рыҿиара азы иҳалшо зегьы ҟаҳҵалоит», - ҳәа иазгәаҭоуп адныҳәаларатә цҳамҭа аҿы.
Алеқсандр Анқәаб Михаил Мишустин инаигӡо аҭакзыԥхықәра зцу амаҵзура аҿы аихьӡара дуқәеи аманшәалареи, Урыстәыла атәылауаа зегьы аҭынчреи аизҳазыӷьареи рзеиӷьаишьеит.
