Хьыбла Герзмаа лнаҩс, аконцерт рхы аладырхәуеит аклассика, аџьаз, аестрада еицырдыруа артистцәа: збаҩхатәра азхаҵоу, «аџьаз аҳкәажә» ҳәа изышьҭоу Лариса Долина,  Атеатр Ду иԥхьагылоу артист, еицырдыруа аопертә шәаҳәаҩы Игорь Головатенко, ашоу «Голос», «Три аккорда» алахәыла, ахаризма злоу ашәаҳәаҩы Мириам Мерабова, еицырдыруа ашәаҳәаҩ, акомпозитор, ателемҩаԥгаҩ Алеқсеи Чумаков, аҟыбаҩ злоу амузыкант, авокалтә импровизациа азҟаза Алеқсандр Панаиотови уҳәа егьырҭ аӡәырҩы. Артистцәа ықәгылоит Москватәи аҳәынҭқарратә академиатә симфониатә оркестр акомпонименттә цхыраарала, адирижиортә пульт дахагылоит Урыстәыла зҽаԥсазтәыз артист, атеатр Ду адирижиор Антон Гришанин.

Аконцерт аиҿкаара ахахьы иагеит –Денис Мацуев, Хьыбла Герзмаа, Ильдар Абдразаков, Альбина Шагимуратова, Игорь Бутман, уҳәа зхыԥхьаӡараҿы иҟоу иԥхьагылоу урыстәылатәии аҳәаанырцәтәии анагӡаҩцәа аӡәырҩы 10 шықәса инареиҳаны аус рыцызуа   жәларбжьаратәи аконцертә агентра Moscow Nights.  Ари агентреи Владимир Спиваков, Иури Башмет, Алеқсандр Сладковски, Филипп Чижевски, Фабио Мастранџьело, Арсенти Ткаченко, уҳәа  еицырдыруа адерижиорцәа жәпакы  шықәсырацәалатәи аусеицура рыбжьоуп.