Аԥснытәии урыстәылатәии аҳазылхыҩцәа 2023 шықәсазы акурорттә сезон аҽазыҟаҵара иалацәажәеит.

28.Мшаҧы.2023

Акьыԥхьра

Аԥснытәии урыстәылатәии аҳазылхыҩцәа 2023 шықәсазы акурорттә сезон аҽазыҟаҵара иалацәажәеит.

Аҟәа. Мшаԥымза 28, 2023 шықәса. Аԥсныпресс. Мшаԥымза 27 рзы Ахырхарҭарацәа змоу автомашьынатә аужьҭра-гәаҭаратә пункт «Адлер» аҿы Аԥсны аҳәынҭқарратә ҳазылхратә Еилаки Урыстәылатәи Афедерациа афедералтә ҳазылхратә Маҵзура Аладатәи аҳазылхратә усбарҭа Краснодартәи атәылаҿацә аҳазылхреи рмаҵурауааи Аԥсны иҟоу Урыстәылатәи Афедерациа аҳазылхратә Маҵзуреи Урыстәыла афедералтә ҳазылхратә Маҵзура аҳазылхратә ԥыԥшырҭеи рхаҭарнакцәеи русуратә еиԥылара мҩаԥысит.

Аусуратә еиԥылара аҳәаақәа ирҭагӡаны абарҭ азҵаарақәа ирзааҭгылеит:

Ақыҭанхамҩатә аалыҵ аганахьала аҳазылхратә операциақәеи аҳазылхратә гәаҭареи рымҩаԥгара;

2023 шықәсазы акурорттә сезон аҽазыҟаҵара;

2023 шықәсазы акурорттә сезон аламҭалазы апроблема зцу азҵаарақәа ралкаареи урҭ рыӡбаразы амҩақәа рыԥшаареи.

Аилацәажәара иалагаанӡа аԥсуа ган ахаҭарнакцәа урыстәылатәи рколлегацәа ирыднагалеит 2022 шықәсазы акурорттә сезон иалагӡаны Аԥснынтәи Урыстәылаҟа ақыҭанхамҩа аалыҵ аиагара азы астатистикатә дыррақәа. Аԥснытәи аган 2023 шықәсазы акурорттә езон азы Аԥсни Урыстәылеи ирыбжьоу аҳәынҭқарратә ҳәаа ақәыӷәӷәара армаҷра алзыршо азҵаарақәа жәпакы ирылацәажәеит. Азҵаарақәак рыла конкретла аӡбамҭақәа рыдыркылеит.

Аусуратә еиԥылара ахыркәшамҭаз уи алахәылацәа Аԥсни Урыстәылеи рҳазылхратә маҵзурақәа русеицураҿы хра злоу аиҭакрақәа шыҟоу умбарц залшом ҳәа иазгәарҭеит.

Read 268 times

Иҵегь ари акатегориаҟны « Аҟәа араион ақыҭанхамҩа аҿиаразы ахықәкытә программа азы 3,5 млн мааҭ азоужьхоит. Баграт Хәытаба: Аԥсны Шьамтәыла ганрацәала аус ацура аҿиара аҵак ду аманы иҟоуп ҳәа ирыԥхьаӡоит. »

Хыхь

«	Абҵара 2024					»
Ашә	Аҩа	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

АЖӘАБЖЬҚӘА

Аԥснытәии урыстәылатәии аҳазылхыҩцәа 2023 шықәсазы акурорттә сезон аҽазыҟаҵара иалацәажәеит.