Анас Кьышьмариа лкандидатура азы рыбжьы рҭиит 32 - ҩык адепутатцәа, ҩыџьа – мап лцәыркит.
19.Мшаҧы.2023
Анас Кьышьмариа ауаҩы изинқәа рыхьчаразы азинҷыда змоу имаҵурахьы далырхит.
Аҟәа. Мшаԥымза 19, 2023 шықәса. Аԥсныпресс. Адепутатцәа Анас Кьышьмариа ауаҩы изинқәа рыхьчаразы азинҷыда лыҭаразы рыбжьы рҭиит.
Аԥхьанатә ари амаҵурахьы х-ҩык ркандидатурақәа ықәгылан – Гәында Џьениа, Диана Керселиани Анас Кьышьмариеи. Гәында Џьениа Апарламент аилатәара алагаанӡа лкандидатура ықәылгеит.
«Ауаҩы изинқәа рыхьчаҩы имаҵура ҳтәыла аҿы акыр зҵазкуа акәны иҟоуп. Агәра шәсыргоит исымоу аус адырра баша ажәала акәымкәа аус ала арҵабыргра азы сԥышәеи сдырреи шазхо», – ҳәа илҳәеит Анас Кьышьмариа.
