«Алабораториақәа русура ахацыркра азԥхьагәаҭоуп мшаԥымза агәазы. Уажәазы иахәҭоу аиқәыршәагақәеи амаругақәеи аҩнымаҭәақәеи раагара иазыԥшуп. Анаҩс аусурақәа ахԥатәи аетап азԥхьагәаҭоуп – уи аҩбатәи аихагылеи ахыбра ахаҿратә гани реиҭашьақәыргылареи ауп», - ҳәа илҳәеит лара.
Емине Иазычба араион анапхгара асҟаҟ ихымԥадатәииз аусурақәа рзы аԥаратә хархәагақәа ахьазоунажьыз азы иҭабуп ҳәа лҳәеит.
«Арҭ апроцессқәа зегьы ҳусура ахаҭабзиара аизырҳара азы иахәҭоу алшарақәа аԥнаҵоит, ҳара ишиашоу ауааԥсыра реиԥш акоммерциатәи аҳәынҭқарратәии аструктурақәа рзы амаҵзура адагьы, иара убас имҩаԥааго аҭҵаарақәа рыспектр арҭбаарагьы ҳалшоит», - ҳәа лажәа хыркәшо илҳәеит Емине Иазычба.
