Мшаԥымза 12 рзы, А.Н. Островски иира Амш аҽны (хәажәкырамза 31 [мшаԥымза 12] 1823 ш. — рашәарамза 2 [14] 1886 ш.) ахәаԥшцәа идырбахоит аурыс драматург иеихьӡылоу икомедиа ала иқәыргылоу аспектакль «Ахаҵа ԥшӡа».
Мшаԥымза 13 рзы петербургтәи ахәаԥшцәа идырбахоит Фазиль Искандер иеихьӡылоу иповест ала иқәыргылоу аспектакль «Софичка».
Мшаԥымза 14 рзы идырбахоит испаниатәи адраматург Федерико Гарсиа Лорки иԥсҭазаареи ирҿиарамҩеи иазку аспектакль «Радость вопреки всему».
Аԥсны Аурыс драматә театр ари афестиваль алахәхара алыршахеит Аԥсни Урыстәылеи ркультура Аминистррақәеи Аԥсны иҟоу Урыстәыла аус ацура азы Ахаҭарнакреи Санкт-Петербург акультура азы акомитети иҟарҵаз адгылара иабзоураны.
