АЖӘАБЖЬҚӘА

09.Хәажәкыр.2023

АҴӘАХЫРҬАТӘ БАНК АҞНЫ 1990 ШЫҚӘСАНӠА ИИЗ АԤАРАЛАҴАҨЦӘА АСОВЕТААМҬАЗТӘИ РԤАРАШЬҬАҴАҚӘА РЗЫ АКОМПЕНСАЦИА РЫЗШӘАХОИТ.

Аҟәа. Хәажәкырамза 9, 2023 шықәса. Аԥсныпресс. Аминистрцәа Реилазаара цәыббрамза 11, 2012 шықәса рзы «Аԥсны Аҳәынҭқарра Аҵәахырҭатә Банк аԥаралаҵаҩцәа акомпенсациатә шәатәқәа рызшәара азы» ирыдыркылаз Ақәҵара №115 инақәыршәаны, 2023 шықәсазы ашәатәқәа нагӡаны ирызшәахоит абарҭ акатегориақәа ирыҵанакуа атәылауаа:

1990 шықәсанӡа ииаз (иарбоу ашықәсгьы уахь иналаҵаны), мамзаргьы мшаԥымза 1, 2003 шықәса инаркны ажьырныҳәамза 20, 2004 шықәанӡа аԥарашьҭаҵақәа рышәҟәҭагалара иахысыз урҭ ирҭынхаз;

1990 шықәсанӡа ииаз (иарбоу ашықәсгьы уахь иналаҵаны), мамзаргьы жьҭаарамза 1 инаркны ԥхынҷкәынмза 31, 2012 шықәсанӡа аԥарашьҭаҵақәа рышәҟәҭагалара иахысыз урҭ ирҭынхаз;  

1990 шықәсанӡа ииаз (иарбоу ашықәсгьы уахь иналаҵаны), мамзаргьы мшаԥымза 6 инаркны лаҵарамза  29,  2015 шықәсанӡа аԥарашьҭаҵақәа рышәҟәҭагалара иахысыз урҭ ирҭынхаз.

Иарбоу акатегориақәа ирыҵанакуа атәылауаа, иахьынхо аҭыԥ ала араион Ахадара ахь арзаҳал ҩны иадҵаалар алшоит, ҳәа адырра ҟанаҵоит аминистрцәа Реилазара апресс-маҵзура.

 

 


Read 204 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.