Алхас Кәыҵниа Алеқсандр Иаковенкои Академиа анапхгараҭареи апрофессор-рҵаҩратә еилазаареи иҭабуп ҳәа реиҳәеит Аԥсны Аҳәынҭқарра азы апрофессионалтә дипломатиатә кадрқәа разыҟаҵара азҵаара аҿы иҟарҵо адгылара азы.
21.Жәабран.2023
АЛХАС КӘЫҴНИА АДИПЛОМАТИАТӘ АКАДЕМИА АРЕКТОР АЛЕҚСАНДР ИАКОВЕНКО ДИԤЫЛЕИТ.
Аҟәа. Жәабранмза 21, 2023. Апсныпресс. Урыстәыла иҟоу Аԥсны ацҳаражәҳәаҩ Алхас Кәыҵниа Урыстәылатәи Афедерациа адәныҟатәи аусқәа Рминистрра иатәу Адипломатиатә Академиа аректор Алеқсандр Иаковенко диԥылеит.
Аиԥылара аҿы ирылацәажәеит Аԥснытәи абитурентцәа иарбоу аҵараиурҭа аҿы рҵара, аԥсуа дипломатцәа рзы азанааҭдырра аҩаӡара аизырҳара иазку изаамҭанытәиу акурсқәа реиҿкаара, уҳәа иадҳәалоу азҵаарақәа жәпакы.
Алеқсандр Иаковенко ацҳаражәҳәаҩ Урыстәылатәи Афедерациа адәныҟатәи аусқәа Рминистрра иатәу Адипломатиатә Академиа аусуреи жәларбжьаратә аусура аспециалистцәа разыҟаҵареи, иара убас урыстәылатәии аҳәаанырцәтәии адипломатцәа рзанааҭтә ҩаӡара аизырҳареи шымҩаԥысуа изеиҭеиҳәеит.
