Очамчыра ақалақь аҿы агуманитартә цхыраара аизгара мҩаԥысуеит Очамчыра араион ала Иҷыдоу аҭагылазаашьақәа рзы Аминистрра абылрацәыхьчара-еиқәырхаратә ҟәша аҿы. Уи мҩаԥыслоит амҽыша, жәабранмза 19 аҟынӡа.
16.Жәабран.2023
ОЧАМЧЫРЕИ ҬҞӘАРЧАЛИ ҬЫРҚӘТӘЫЛЕИ ШЬАМТӘЫЛЕИ РЗЫ АГУМАНИТАРТӘ ЦХЫРААРА АИЗГАРА РХЫ АЛАДЫРХӘУЕИТ.
Аҟәа. Жәабранмза 16, 2023 шықәса. Аԥсныпресс. Очамчыреи Ҭҟәарчали Ҭырқәтәылеи Шьамтәылеи иҟалаз адгьылҵысра аҿы ааха зауз рзы агуманитартә цхыраара аизгара активла рҽаладырхәо иалагеит.
Акциа рхы аладырхәуеит аурыс школ №2, ашкол-интернати рҵаҩцәа, еиуеиԥшым аиҿкаарақәа рнапхгаҩцәа, абизнесменцәа, хазхаҭалатәи ахаҿқәа, ҳәа адырра ҟанаҵоит «Очамчыра-информ» Инстаграм аҿы иҟоу адаҟьа.
Очамчыратәи Абылрацәыхьчара-еиқәырхаратә ҟәша анапхгаҩы Мурман Ԥачлиа арыцҳара иақәшәаз ацхыраара рыҭара азы агәазыҳәара аарԥшны оперативла агуманитартә еидара еизызганы Очамчыраҟа аагара алзыршаз Ҭҟәарчал ауааԥсыра иҭабуп ҳәа реиҳәеит.
