Аҟәа. Ажьырныҳәамза 31, 2023 шықәса. Аԥсныпресс. Арепубликатә Унитартә Наплакы «Амшынеиқәафымцамч» абонентцәа афымцамч ала реиқәыршәара аԥкрақәа ралагалара аграфик ҿыц шьақәнаргылеит. Ари зда ԥсыхәа ыҟам ауснагӡа Урыстәылатәи Афелдерациа аҟынтәи иаауа афымцамч жәабранмзазы еиҳа еиҵахоит ажьырныҳәазазы иаашьҭыз аасҭа.
Убас, ажьырныҳәамзазы иаашьҭыз афымцамч 250 млн. кВт/с рҟынӡа инаӡозҭгьы, жәабранмзазы уи 190 млн. кВт/с рҟынӡа ауп иахьынаӡало, убри аан ахархәара аҩаӡара шыҟац иаанхоит –11 млн. кВт/с.
Аграфик ҿыц алагалахоит иара убас Егрытәи Аӡфымцатә Станциа аҟынтәи афымцамч зауа звольҳараку ацәаҳәақәа рыҿгьы. Уи зыдҳәалоу Џьвартәи аӡеизакырҭа аҿы аӡы аҩаӡара акыр иахьылаҟәыз ауп – 410 м, иааиуа аӡы амаҷра–25 м³ инарзынаԥшуа.
Аԥкрақәа ирықәшәоит ахархәаҩцәа ркатегориақәа зегьы ирыҵанакуа, избан акәзар, аҿыхра хазы игоу астанциеиҵақәа рыдагьы, звольҳараку афымцацәаҳәақәагьы аҵанакуеит, – ҳәа адырра ҟанаҵоит Ареспубликатә Унитартә Наплакы «Амшынеиқәафымцамч».
