Лаура Водианицкаиа – аџьазтә шәаҳәаҩы, жәларбжьаратәи аконкурсқәа рлауреат, хыԥхьаӡара рацәала еиуеиԥшым аџьазтә фестивальқәа ирылахәхахьоу, Москватәи аҳәынҭқарратә акультура Аинститут аџьазтә шәаҳәара акафедра аиҳабы ихаҭыԥуаҩ. Лаура лырҿиаратә портфолио аҿы – Урыстәылеи егьырҭ атәылақәеи рҟынтәи иналукааша аџьазтә шәаҳәаҩцәа аус рыцура арбоуп.

Антон Давидианц – урыстәылатәи абас-шәаҳәаҩы, иреиӷьу абасистцәа иреиуоу, арҿиаратә мчы дууи афантазиеи змоу амузакант, зынагӡаратә техника аҩаӡара акыр иҳараку музыкантуп. Аџьазтә музыкантцәа Игорь Бутман, Даниил Крамер, Сергеи Манукиан, Алеқсеи Козлов, иара убас апоп-артистцәа Леонид Агутин, Николаи Носков, «Би-2», «Ёлка», уҳәа аус рыциуан.