Ахәҭакахьала, Аль-Наиб аҩганктәи аизыҟазаашьақәа рыҿиара иаҵоу астратегиатә ҟазшьа инаҵшьны иазгәеиҭеит, уи иара убас Аԥсны Шьамтәыла адипломатиатә миссиа амҩаԥгара ганрацәалатәи ацхыраара аҭара дшазхиоу азгәеиҭеит.
23.Ԥхынҷкәын.2022
2023 ШЫҚӘСА АКТӘИ АԤШЬБАРА АЗЫ АԤСНИ ШЬАМТӘЫЛЕИ РЫБЖЬАРА АИҚӘШАҲАҬРАҚӘА РЫБЖЬАҴАР АЗԤХЬАГӘАҬОУП.
Аҟәа. Ԥхынҷкәынмза 23, 2022 шықәса. Аԥсныпресс. Ԥхынҷкәынмза 22 рзы Шьамтәыла иҟоу Аԥсны аусқәа рзы аамҭалатәи агәрага Муҳаммед Али Шьамтәыла аимадареи аԥкаанҵеи Рдепартамент адиректор Анфауан Аль-Наиб диԥылеит, ҳәа иаанацҳауеит Аԥсны адәныҟатәи аусқәа Рминистрра Амедиацентр.
Аганқәа ахәҭакахьала ахәаахәҭра-економикатә усхкқәа рганахьала знапаҵыҩра мҩаԥгоу аиқәшаҳаҭрақәа рҳәаақәа ирҭагӡаны аусеицура активизациа иалацәажәеит.
Аиԥылара аҿы иара убас 2023 шықәса актәи аԥшьбара азы знапаҵыҩра азԥхьагәаҭоу аиқәшаҳаҭрақәеи аекономикатә, ахәҳаахәҭратә, анаукатә, атехникатә, акультуратә усеицура азы аҩганк ирзеиԥшу Акомитет аилатәара амҩаԥгареи ирылацәажәеит.
