Аҟәа. Ԥхынҷкәынмза 19, 2022 шықәса. Аԥсныпресс. Аԥсны Жәлар Реизара – Апарламент Аиҳабы Лаша Ашәба хадара ззиуа апарламенттә делегациа Москва имҩаԥысуаз Беларусиеи Урыстәылеи Реидгыла Апарламентә Еизара асессиа иалахәхеит. Апарламент аделегациа Москва инеит 2022 шықәса ԥхынҷкәынмза 22 рзы имҩаԥысуаз Беларусиеи Урыстәылеи Реидгыла Апарламентә Еизара 63-тәи асессиа аҽалархәразы.
Аԥсны Жәлар Реизара – Апарламент аделегациа аилазаараҟны иҟан:
Аԥсны Жәлар Реизара – Апарламент Аграртә политикеи, аԥсабаратә лшарақәеи, аекологиеи рзы аилак ахантәаҩы Ҭемыр Беиа, аекономикатә политикеи, ареформақәеи, аинформациатә технологиқәеи рзы Аилак алахәылаҩ Вахтанги Голанӡиа, Аԥсны Жәлар Реизара – Апарламент Аппарат Анапхгаҩы Вадим Бжьаниа.
Ишәгәалаҳаршәоит, Аԥсны Жәлар Реизара – Апарламент Беларусиеи Урыстәылеи Реидгыла Апарламентә Еизараҟны есқьынагьтәи анаԥшҩы истатус шаҭоу 2008 шықәса жьҭаарамза 17 рзы Москва ақалақь аҟны имҩаԥысыз Беларуси Урыстәылеи Реидгыла Апарламентә Еизара 34 асессиа азыӡбала.
Аилатәара мҩаԥысит Апарламенттә Еизара Ахеилак Азыӡба ала ишьақәырӷәӷәаз амшхәаԥштә инақәыршәаны имҩаԥысит. Асессиа мҩаԥигеит Белорусиеи Урыстәылеи Реидгыла Апарламенттә Еизара Ахантәаҩы.ҩ Урыстәыла Афедералтә Еизара Аҳәынҭқарратә Дума Ахантәаҩы Виачеслав Володин.
Апарламенттә Еизара аусура алахәхаразы ааԥхьара рыҭан Ареспублика Белурусиеи Урыстәылатәи Афедерациеи рминистррақәеи рхылаԥшырҭақәеи рнапхгаҩцәа, Аидгыларатә ҳәынҭқарра Есымша аус зуа Акомитет ахаҭарнакцәеи Апарламенттә Еизара аҟны иҟоу есқьынагьтәи анаԥшыҩцәеи.
Ҳазҭагылоу аамҭазы есқьынагьтәи анаԥшҩы истатус рымоуп аҳәынҭқаррақәа р-Парламентбжьаратә Ассамблеиа – Ихьыԥшым Аҳәынҭқаррақәа Реиҩызара алахәцәа, Алада Уаԥстәыла Ареспублика Апарламент, Аԥсны Жәлар Реизара – Апарламент, Аиашахаҵара Апарламентбжьаратә Ассамблеиа.
Есқьынагьтәи анаԥшҩцәа, асасцәа Апарламентә Еизара Аԥҟара инақәыршәаны азин рымоуп Апарламентә Еизареи уи акомиссиақәеи реилатәарақәа аилацәажәаратә бжьы азин рыманы.
