Аҟәа. Ԥхынҷкәынмза 15, 2022 шықәса. Аԥсныпресс. Ԥхынҷкәынмза 12 – 16 рзы Нхыҵ-Каказтәи Афедералтә Университет алекторцәа аҟәатәи абжьаратәи ашкол №1 аҿы аурыс бызшәеи алитературеи рырҵаҩцәа рзы «Аурыс бызшәеи алитературеи рызнагара иацу актуалра злоу апроблемақәа» ҳәа хыс измоу алекциақәа ркурс иаԥхьон, ҳәа адырра ҟанаҵоит Аԥсны аҵареи абызшәатә политикеи Рминистрра апресс-аҵзура. Акурсқәа Аԥсны аҵареи абызшәатә политикеи Рминистрреи Нхыҵ-Кавказтәи Афедералтә Университети русеицура аҳәаақәа ирҭагӡаны еиҿкаахеит.
Апрограмма ахықәкы хаданы иҟалеит Аԥсны абжьаратәи ашколқәа рҿы аурыс бызшәеи алитературеи рырҵаҩцәа рзанааҭтә дырра аҩаӡара ашьҭыхра.
Нхыҵ-Кавказтәи Афедералтә Университет аџьынџьтәылатәии адунеизегьтәии аҭоурых акафедра апрофессор Лиудмила Бронскаиа алекциақәа ркурс апрограмма далацәажәеит: «Амасстер-классқәа мҩаԥгахоит, иара убас ҳаамҭазтәи ашкол аҿы аурыс бызшәеи алитературеи рырҵара аҿы иҟоу апроблемақәа рылацәажәара мҩаԥысуеит».
Лиудмила Бронскаиа лажәақәа рыла, алекциақәа рцикл анхыркәшахалак ашьҭахь азыӡырҩцәа зегьы асертификатқәа роуеит.
