Аҟәа. Ԥхынҷкәынмза 7, 2022 шықәса. Аԥсныпресс. Аминистрцәа Реилазаара «2023 шықәсазы Аусеиҿкааратә амзар» шьақәнарӷәӷәеит.
Аминистрцәа реилазаара Ақәҵарала, аԥсшьаратәии аныҳәатә иусуратәым амшқәеи ахьеиқәшәо инамаданы, ииагахоит абарҭ аԥсшьарамшқәа:
Ажьырныҳәамза 1 (амҽыша) – ажьырныҳәамза 3 (аҩаша) ахь ииагахоит;
Ажьырныҳәамза 7 (асабша) – ажьырныҳәамза 9 (ашәахьа) ахь ииагахоит;
Ажьырныҳәамза 8 (амҽыша) – ажьырныҳәамза 10 (аҩаша) ахь ииагахоит;
Ажьырнаҳәамза 14 (асабша) – ажьырныҳәамза 16 (ашәахьа) ахь ииагахоит;
Мшаԥымза 16 (ашәахьа) – мшаԥымза 17 (ашәахьа) ахь ииагахоит;
Нанҳәамза 26 (асабша) – нанҳәамза 29 (аҩаша) ахь ииагахоит;
Цәыббрамза 30 (асабша) – жьҭаарамза 2 (ашәахьа) ахь ииагахоит;
Абҵарамза 26 (амҽыша) – абҵарамза 27 (ашәахьа) ахь ииагахоит.
Аԥсшьарамшқәеи аныҳәатә мшқәеи хшыҩркрала рхархәара хықәкыс иҟаҵаны, ииагахоит абарҭ аусуратә мшқәа:
Ажьырныҳәамза 4 (ахаша) ажьырныҳәамза 21 (асабша) ахь ииагахоит;
Ажьырныҳәамза 5 (аԥшьаша) ажьырныҳәамза 28 (асабша) ахь ииагахоит.
Мшаԥныҳәа – Иаса Қьырса игылара Амш – амҽыша иахьазгәарҭо инамаданы (мшаԥымза 16), уи иашьҭанеиуа ашәахьа (мшаԥымза 17) иусуратәым мшны ирылаҳәахоит.
*** *** Ажьырныҳәамзазы 15 ԥсшьара мшы ҟалоит: ажьырныҳәамза 1 инаркны ажьырныҳәамза 10 аҟынӡа, ажьырныҳәамза 14 инаркны ажьырныҳәамза 16 аҟынӡа, иара убас амҽышатә мшқәа – ажьырныҳәа 22, ажьырныҳәа 29. Асабшақәа – ажьырныҳәамза 21, ажьырныҳәамза 28 – усуратә мшқәаны ирылаҳәахоит.
