Аҟәа. Ԥхынҷкәынмза 2, 2022 шықәса. Аԥсныпресс. Аҵареи абызшәатә политикеи Рминистрра ақалақьқәеи араионқәеи рҵара аҟәшақәа ирзоунажьит Аминистрра аҿаҵа ала Аԥсны иҭыжьу арҵагашәҟәқәеи урҭ ирыцу аусуратә тетрадқәеи, иара убас ахәыҷбаҳчақәа рзы алитература, аԥсуа алфавит зну аплакатқәа (500 екземплиар), аԥсуа бызшәа аҵаразы ацхыраагӡтә хархәагақәа, уҳәа убас иҵегьы.
1-тәи – 4-тәи аклассқәа рзы ашәҟәы «Акласснҭыҵтәи аԥхьара» атираж – 2 000 екземплиар аҟынӡа инаӡоит.
Аурыс школқәа 5-тәи, 10-тәи, иара убас 11-тәи аклассқәа рҿы аҵара зҵо аҵаҩцәа рзы арҵагашәҟәқәа ртираж – 1 000 екземплиар аҟынӡа инаӡоит, 4-тәи акласс азы – 800 екземплиар.
7-тәи акласс азы арҵагашәҟәы «Аурыс литература» ҭыжьуп 3000 екземплиар рыла.
1 500 екземплиар рҟынӡа инаӡоит 1-тәи, 2-тәи, иара убас 3-тәи аклассқәа рзы аусуратә тетрадқәа «Иааҳакәыршаны иҟоу адунеи». Аԥсуа школқәа, 3-тәи аклассқәа рҿы аҵара зҵо рзы арҵагашәҟәы "Ахатәы бызшәа» ҭыжьуп 1500 екземплиар рҟынӡа инаӡо атираж аманы.
Аиашаҩырақәа №№ 1,2, 3 ,4 – ртираж 1500 цыра рҟынӡа инаӡоит.
Ахәыҷбаҳчақәа рзы иҭыжьуп 500 екземплиар рҟынӡа инаӡо ацхыраагӡатә хархәага «Ахәмаргақәа», иара убас уи иацу акартон иалху ахсаалагақәагьы.
Аԥсуа бызшәахьы еиҭагоу Джанни Родари илакә «Пиннокио» 1 000 екземплиар рҟынӡа инаӡо атираж аманы иҭыжьуп.
Зынӡа иҭыжьуп 23 450 екземплиар.
Аҵарашықәс алагамҭазы аҵареи абызшәатә политикеи Рминистрра араионтә аҵарадырра аусбарҭақәеи аҵара аҟәшақәеи ашкол-интернатқәеи рахь алагарҭатә классқәа рзы еиԥш аиҳабыратә классқәагьы рзы идәықәнаҵеит 13 нызықь инареиҳаны арҵагашәҟәқәа.
